D’Maril und da Heini sin bei da Jugend scho mitgloffa,
als Kinder von am Gründungsmitglied hot si’s so troffa,
de zwoa ham bei de Aktiven und de Volkstänzler mit do,
und warn dann im Ausschuß o.

Da Heini war Wirt in unserm Heim,
und zwoata Vorstand vom Verein,
de Paartaler Sänger hot er mit prägt,
und so Jahrzehnte lang d’Volksmusik pflegt.

D‘ Maril hot als Schriftführerin ghabt im Ausschuß an Sitz,
und g’arbat im Trachtenheim gar oft mit ihrm Fritz.
Als Fahnamuatta hot‘s g’hängt mit eigener Hand,
an unser Fahna a wunderschöns Band.

Bei unzählige Veranstaltunga ham de zwoa in Tracht,
Werbung fürn Verein und de Trachtensach gmacht,
und tuan, so lang sie kenna kemma,
an unserm Vereinslebn aktiv teil nehma.

Mir möchtn iahne danka, doch muaß ma do passen,
des aös loßt si‘ einfach in Worte net fassen.
Vergelt’s Gott und Glückwünsch und no vü Freid,
des sagn dene zwoa ihre Paartaler heit.

Text © Christian Schramm
Fotos © Kathrin Urbanek