Er is im Ausschuß seit jetz 46 Joahr,
davo 22 Vorstand, länger wia jeder davor.
Er tuat im Verein, ma ka’s fast it fassn,
überaö seine Spurn hinterlassn.

Da Ausschuß is bis heit sei Revier,
bei Jugend und Aktive spüt a Schifferklavier.
Bei da Vereinskapelle, ma ka blos stauna,
spüt er o mit, mit seina Posauna.

Er losst o mit andere Musikgruppen,
seit Jahrzehnte scho tanzen de Puppen.
Friahra Paarrainer, heit Trio+Mandicho,
und begleitet d’Paartaler Sänger o.

Er hilft beim Bediena, in da Schänk o steht,
is meistens da letzte, wo obnds huam geht.
Er hilft bei jedem Arbeitseinsatz mit,
und halt si bei uns drunt mit Rasenmähn fit.

Bei alle Verdienste auf seim langa Pfad,
is er si trotzdem nicht zu schad,
um im Trachtenheim zu unserm Nutzen,
jede Woch de Klos zum putzen.

Mir wollns net schiabn auf de lange Bank,
und sagn heit unserm Bruno Dank.
Mir frein uns, dass mir jetz kenna,
unsern Bruno zu unserm Ehrenvorstand ernenna.

Text © Christian Schramm
Fotos © Kathrin Urbanek